Aqtaýda bozbala teńizge batyp ketti
AQTAÝ. QazAqparat - Aqtaý qalasynyń «Dostar» jaǵajaıynda qaıǵyly oqıǵa boldy. 2002 jylǵy bozbala sýǵa ketti, dep habarlaıdy QazAqparat tilshisi Mańǵystaý oblysty Tótenshe jaǵdaılar departamentine silteme jasap.
Oqys oqıǵa 3 shilde kúni bolǵan. Qutqarýshylarǵa shaqyrtý keshki saǵat 20:10-dar shamasynda túsken.
«Aqtaý qalalyq Tótenshe jaǵdaılar basqarmasynyń jedel qutqarý jasaǵynyń qyzmetkerleri balany sýdan alyp shyqqan soń, jedel járdem dárigerlerine tapsyrdy. Biraq, alǵashqy kómek kórsetý kezinde bozbalanyń baqılyq bolǵany belgili boldy», - deıdi Aqtaý qalalyq TJB basshysynyń mindetin atqarýshy Nursultan Ábdirash.
Aıta keteıik, shomylý maýsymy bastalǵaly 5 adam sýǵa ketken. Onyń 3-ýi tyıym salynǵan aımaqta sýǵa túsken. 1 adam 4 shaǵyn aýdandaǵy teńiz jaǵalaýynda, 1 turǵyn «Shoraá sý arnasynda, taǵy bir adam oblys mańynan 63 shaqyrym qashyqtyqta ornalasqan «Golýbaıa býhta» dep atalatyn aýmaqta sýǵa batyp ketken. Jalpy, 2015 jyldan beri 18 adam mert boldy.
«6-ýy 2015 jyly, 2 adam 2016 jyly, 8 adam 2017 jyly. Bıyl 3 adam qaza tapty. Qaıǵyly oqıǵalarǵa jasalǵan taldaý tyıym salynǵan jerlerde jáne qaýipsizdik talaptaryn eskerýdiń sońy qazaǵa soqtyrǵanyn kórsetti», - deıdi ¤Nursultan Ábdirash.
