Aqtaýda boıjetken jol talǵamaıtyn kólikti urlap, jol apatyna ushyrady

AQTAÝ. QazAqparat – Oqıǵa kýágerleriniń aıtýynsha, boıjetken qaladaǵy kólik jýý oryndarynyń birinde onda kelýshilermen birge demalyp júrgen. Bir kezde ol bireýdiń kóligine minip alyp, ony aıdap áketti. Odan keıin jol-kólik apatyna túsip qalǵan, dep habarlaıdy QazAqparat Lada-ǵa silteme jasap.

Vedomstvodan habarlaǵandaı, saǵat 06:00-de kezekshiniń pýltine qalanyń 33-shi shaǵynaýdanynda jol talǵamaıtyn kóliktiń apatqa ushyraǵany týraly habarlama kelip túsken.

«Oqıǵa ornyna shuǵyl túrde Aqtaý polıtsııa basqarmasynyń patrýldik polıtsııa batalonynyń qyzmetkerleri shyqty. Kólikti basqarǵan boıjetkenniń mas bolǵany anyqtaldy. Ol joldyń jıegine shyǵyp ketip, aýdaryldy. Kólik aıyppul turaǵyna qoıyldy», - dep atap ótti Mańǵystaý oblystyq polıtsııa departamentinen.

Buzaqyǵa qatysty QR Ákimshilik quqyq buzýshylyq týraly kodekstiń 608-baby (kólik quralyn alkogoldik, esirtkilik nemese ýytqumarlyq masań kúıde basqarý) jáne 610-baby (kólik quraldary júrgizýshileriniń jol júrisi qaǵıdalaryn adamdardyń densaýlyǵyna zııan keltirýge, kólik quraldarynyń nemese ózge de múliktiń búlinýine alyp kelgen buzýshylyǵy) boıynsha hattama toltyryldy. Oqıǵanyń mán-jaıy anyqtalý ústinde.