Aqtaýda bótenniń páterin tartyp alǵan destrýktıvti dinı aǵym ókilderi ustaldy

AQTAÝ. QazAqparat - Aqtaýda destrýktıvti dinı aǵym ókilderi bótenniń páterin ıelenbek bolǵan, dep habarlaıdy QazAqparat tilshisi.

«9 qyrkúıekte destrýktıvti dinı aǵymnyń jaqtaýshylarynan quralǵan top aldyn ala sóz baılasyp, qarajat bopsalaýmen aınalysatyny týraly jedel aqparat kelip tústi. Tekserý nátıjesinde olar zardap shekken adamǵa 20 mıllıon teńge kóleminde materıaldyq shyǵyn keltirip, 3 bólmeli páterdi ózderine rásimdegen», - dep málim etti Mańǵystaý oblystyq Polıtsııa departamentinen.

Atalǵan derek QR Qylmystyq kodeksiniń 194-baby 3-bóligi (bopsalaý) boıynsha Mańǵystaý oblysy PD SDTBT-de tirkeldi.

Jedel-izdestirý is-sharalary barysynda Ekstremızmge qarsy is-qımyl basqarmasynyń qyzmetkerleri tórt kúdiktini ustap, olarǵa qatysty tintý sharalaryn júrgizgen. Kúdiktiler ýaqytsha ustaý ızolıatoryna qamaldy.