Aqtaýda bótelkelesin býyndyryp óltirgen turǵyn sottaldy
AQTAÝ. QazAqparat - Er adamdar birge ishimdik iship otyryp, sózge kelispeı qalǵan. Sodan soń sottalýshy tanysyn býyndyryp óltirgen. Bul týraly Mańǵystaý oblysynyń qylmystyq ister jónindegi mamandandyrylǵan aýdanaralyq sotynyń baspasóz qyzmeti habarlady, dep jazady Lada.kz.
Oqıǵa 16 shaǵyn aýdanynyń «Tań samaly» turǵyn úı kesheniniń páterleriniń birinde bolǵan. Sottalýshy men onyń tanysy sózge kelispeı qalyp, arada kıkiljiń týyndaǵan.
«Aıypker tanysyn býyndyryp, sonyń saldarynan jábirlenýshi jan tapsyrǵan, - dep habarlaıdy mekemeniń baspasóz qyzmetinde.
Sottalýshy QR QK 99-baby 1-bóliginde qarastyrylǵan qylmysty (adam óltirý) jasaǵany úshin aıypty dep tanyldy. Sot aıyptalýshyny 10 jylǵa bas bostandyǵynan aıyrý jazasyn taǵaıyndady. Sot ókimi zańdyq kúshine endi.
