Aqtaýda bokstan halyqaralyq týrnır bastaldy
AQTAÝ. QazAqparat - Búgin Aqtaýda qazaq boksynyń atasy Shoqyr Bóltekulyn eske alýǵa arnalǵan bokstan H halyqaralyq týrnırdiń ashylý saltanaty ótti, dep habarlaıdy «Qazaqparat» tilshisi.
Saltanatty sharanyń ashylýyna Ermahan Ybyraıymov, Qanat Islam, Baqtııar Artaev syndy bylǵary qolǵap sheberleri qatysty. Dástúrli dodany Mańǵystaý oblysynyń ákimi Eraly Toǵjanov quttyqtaý sózimen ashyp berdi. Jyl saıyn ótkiziletin týrnırde bıyl 13 eldiń 200-ge jýyq boksshysy baq synaıdy. 
«Bul týrnırlerden myqty-myqty boksshylar shyqqan. Artymda turǵan Qanat Islam, Serik Sapıev, Baqtııar Artaev Olımpıada chempıondary atanǵan jáne aldyńǵy ýaqytta da chempıondar shyǵady degen senimim mol», - dedi sharaǵa qatysqan Ermahan Ybyraıymov.
Jekpe-jekter 4-5 qazanda, jartylaı fınal 6 qazanda, al fınal 7 qazanda «Mańǵystaý-arena» sport kesheninde ótedi.
Eske sala ketsek, KSRO sport sheberi Shoqyr Bóltekuly - 1936 jyly áýesqoı boksty elimizde jerinde damyta bastaǵan birinshi qazaq. Ol 1916 jyly Mańǵystaý oblysynda Jarmysh kentinde dúnıege kelgen. Stýdent kezinde bokspen aınalysady. 1947 jyly Máskeýde ótken bokstan KSRO chempıonatyna alǵash reti Qazaq KSR qurama komandasy qatysty. Komandany Shoqyr Bóltekuly bastap bardy.
