Aqtaýda bıyl «Aqqý-3» turǵyn úı kesheni paıdalanýǵa beriledi
Bul týraly Aqtaý qalalyq qurylys bóliminiń basshysy Eldar Mashyryqov málim etti, dep habarlaıdy QazAqparat tilshisi.
Onyń aıtýynsha, atalǵan nysan «Nurly jer» baǵdarlamasy aıasynda salynyp jatyr.
«Osy baǵdarlama aıasynda birneshe kóp páterli turǵyn úı salynýda. Atap aıtsaq, 33 shaǵynaýdanda 670 páterden turatyn «Aqqý-3» turǵyn úıi qurylysynyń aıaqtalýyn turǵyndar kópten beri kútip júr. Qazir qurylys qarqyndy júrip jatyr. Bul baǵyttaǵy jumystar jyl sońyna deıin aıaqtalyp, paıdalanýǵa beriledi dep josparlanǵan», - dedi bólim basshysy.
Budan bólek, 19A shaǵyn aýdanda 576 páterli 7 turǵyn úı salynyp jatyr. Onyń ishinde jalpy aýdany 7 847,32 sharshy metrdi quraıtyn №37 jer ýchaskesindegi 2 turǵyn úı tamyz aıynda paıdalanýǵa berilmek. Al, osy jyly qalǵan №41 ýchaskedegi bes turǵyn úıdiń qurylysy bastaldy. Qurylys jumystary 2021 jyly aıaqtalyp, nysan paıdalanýǵa berilmek.