Aqtaýda birinshi synypqa qujattardy qabyldaý 1 tamyzǵa deıin jalǵasady
Óıtkeni, oqý jyly 1-qyrkúıekten bastalatynyna qaramastan, balany mektebi boıynsha anyqtaý sharasyn ata-analar aldyn ala oılastyrǵan jón.
Jalpy bilim beretin mektepterdiń birinshi synyptaryna alty jasqa tolǵan balalar jáne aǵymdaǵy jyly alty jasqa tolatyn jáne jeti jastaǵy balalar qabyldanady. ıAǵnı qyrkúıek-jeltoqsan aılarynda týǵan balalar birinshi synypqa bara alady, sebebi jyldyń sońyna deıin olar tolyq alty jasqa tolady jáne mektepke qabyldanýǵa quqyǵy bar.
Balanyń ata-analary nemese ózge de zańdy ókilderi oqytý úshin kez-kelgen bilim berý uıymdaryn tańdaýǵa quqyly.
Bıyl mektepke qabyldaý 3:1 prıntsıpi boıynsha júzege asyrylady. Mektep óz aýmaǵynyń 3 balasyn qabyldaıdy, tórtinshi qylyp basqa aýmaq balasy qabyldanady.
«Mektepter bilim berý uıymdarynyń qyzmet kórsetý aýmaǵynda turatyn balalarǵa qoldaý kórsetedi. Balalardy birinshi synypqa qabyldaý kezinde oqý ornynyń basshylyǵy túsýshiler men olardyń ata-analaryn qabyldaý erejelerimen, jarǵy men oqý úrdisin retteýshi ózge de qujattarmen tanystyrýy qajet. Birinshi synypqa qabyldaý kezinde emtıhan, testileý, synaqtar, baıqaý júrgizilmeıdi»,- dedi Mańǵystaý oblysy bilim basqarmasy mektepke deıingi jáne jalpy orta bilim berý bóliminiń basshysy Klara Qulataeva.
Osy oqý jylynda 19 myń bala 1 synypqa qabyldanady dep josparlanyp otyr. Sáýir, mamyr, maýsym aılarynda 13 myń bala qabyldandy. Bir aı ýaqyt ishinde 100% bala mektepke qabyldanýy kerek.