Aqtaýda bir jarym jasar qyz batareıa jutyp qoıǵan
AQTAÝ. QazAqparat - Oblystyq aýrýxananyń dárigerleri 1 jarym jasar qyzdyń ishinen bataerıany alyp shyqty, dep xabarlaıdy QazAqparat tilshisi.
Jansaqtaý jáne anestezıologııa bóliminiń meńgerýshisi Qazbek Kelemanovtyń aıtýynsha, batereıa xırýrgııalyq jolmen emes, arnaıy apparatpen alynǵan. Osylaısha, jańaózendik 1 jarym jasar qyzdyń ómirin saqtap qaldy.
Anasy qyzynyń teledıdar pýltiniń batareıasyn qalaı jutyp qoıǵanyn baıqamapty. Kelesi kúni ǵana bala qusyp, mazasyzdanǵan soń emxanaǵa aparǵan. Dárigerler ÝDZ-ge túsirip, balanyń asqazanynda batareıa baryn aıtqan. Bala birden Jańaózennen oblystyq aýrýxanaǵa jiberiledi. Qazir balanyń jaǵdaıy birqalypty.
Qazbek Kelemanov balalardyń janyna qaýipti oıynshyqtar men usaq zattar tastamaýǵa keńes beredi. Ol 3 jyldan beri ota kezinde balalardyń asqazanynan alǵan zattardy jınap júr.
