Aqtaýda bir kúnde ereje buzǵan 40-qa jýyq avtobýs júrgizýshisi anyqtaldy
AQTAÝ. QazAqparat - Aqtaýda "Avtobýs" jedel-profılaktıkalyq is-sharasy aıasynda qoǵamdyq kólik júrgizýshileri tekserildi, dep xabarlaıdy QazAqparat tilshisi.
Júrgizýshilerdiń basym bóligi jyldamdyq asyrǵany úshin, qarama-qarsy baǵytqa shyǵý, tasymaldaýǵa ruqsat qaǵazynyń bolmaýy, lıtsenzııa erejesiniń buzylýy, eńbek rejıminiń buzylýy sııaqty qatelikter jibergen.
Atap aıtsaq, 38 júrgizýshige aıyppul salynǵan. Olarǵa QR Ákimshilik quqyq buzýshylyq týraly zańnyń 463-baby boıynsha xattama toltyryldy.
Shara Mańǵystaý oblysy Kólikti baqylaý ınspektsııasymen, qoǵamdyq ókilderimen birlesip ótkizildi.
Negizgi maqsat: jergilikti mańyzdaǵy avtomobıl joldarynda jolaýshylar men júkterdi tasymaldaýdy júzege asyratyn júrgizýshiler arasynda kóliktik tártipti arttyrý, jol qozǵalys qaýipsizdigin qamtamasyz etý jáne jol apattarynyń aldyn alý, sondaı-aq jelide qyzmetin tirkeýsiz júzege asyratyn azamattarǵa qatysty baqylaýdy jetildirý.
