Aqtaýda bir-birine pyshaq salǵan eki jigit aýrýhanaǵa jetkizildi
ASTANA. QazAqparat - Aqtaý qalasynda 11 qarasha kúni tańerteń eki jigit pyshaqtasyp qalyp, ekeýi de jaralandy, dep habarlaıdy lada.kz.
Oqys oqıǵa qaladaǵy dámhanalardyń birinde bolǵan. Mańǵystaý oblystyq aýrýhanasynyń travmatologııa jáne ortopedııa bóliminiń dáriger-ordınatory Eset Shahatbaevtyń aıtýynsha, 11 qarasha kúni tańerteńgi saǵat jetide aýrýhanaǵa pyshaq jaraqattarymen eki jigit jetkizilgen.
«Olardyń birine qazir ota jasalyp jatyr, al ekinshisin otaǵa daıyndaý ústindemiz», - dedi ol.
Oqıǵa týraly qazirge tolyq málimet joq.
