Aqtaýda bes adamǵa 1 041 000 teńge shyǵyn keltirgen alaıaq sottaldy
ASTANA. QazAqparat - Aqtaý qalalyq sotynda A-ǵa qatysty qylmystyq is qaraldy, dep habarlaıdy Mańǵystaý oblystyq sotynyń baspasóz qyzmeti.
Sotta anyqtalǵandaı, sottalýshy A. 2017 jyly 15 qarasha -12 jeltoqsan aılary aralyǵynda Aqtaý qalasynyń aýmaǵynda qasaqana, paıdaqorlyq nıetpen, birneshe ret bes jábirlenýshiniń senimine kirip, olarǵa aıyppul turaǵynda turǵan avtokólikti shyǵara alatyndyǵyn jáne avtokólikterge jabdyqtardy arzan baǵaǵa alyp bere alatyndyǵyn aldap aıtyp, bes jábirlenýshige 1 041 000 teńge materıaldyq shyǵyn keltirgen.
Aqtaý qalalyq sotynyń úkimimen A. QR QK-niń 190-babynyń 2- bóliginiń 2-tarmaǵymen kináli dep tanylyp, zańsyz jolmen tabylǵan ne zańsyz jolmen tabylǵan qarajatqa satyp alynǵan múlki tárkilenip, oǵan 1 jyl 6 aıǵa bas bostandyǵyn aıyrý jazasy taǵaıyndalyp, jábirlenýshilerdiń qoıǵan azamattyq talap aryzdary qanaǵattandyryldy.
