Aqtaýda belgisiz bireýler úsh kún buryn ornatylǵan músinderdi qıratyp ketken

AQTAÝ. QazAqparat – Belgisiz bireýler qala saıabaqtarynyń birine osydan úsh kún buryn ornatylǵan músinderdi qıratyp ketken, dep habarlaıdy «QazAqparat» HAA Aqtaý ákimdiginiń Facebook paraqshasyndaǵy habarlamaǵa silteme jasap.

«Aqbota» saıabaǵynda qalany abattandyrý maqsatynda ertegi keıipkerleriniń músinderi ornatyldy. Alaıda, belgisiz bireýler ornatylǵanyna úsh kún ǵana bolǵan músinderdi qıratyp ketken. Qala ákimdiginiń tapsyrmasy boıynsha músinder qalpyna keltiriledi. Osyǵan baılanysty qala turǵyndary men qonaqtaryn ortaq múlikke jaýapkershilikpen qaraýdy suraımyz», - delingen habarlamada.