Aqtaýda belgisiz bireýler seıfti buzyp, 11 mln. 300 myń teńgeni úptep ketti
ASTANA. QazAqparat - Urlyq oqıǵasy «Nası» JShS-de oryn alǵan. Kompanııanyń keńsesine kirgen belgisiz bireýler odan 11 mıllıon 300 myń teńgeni urlap ketti.
Bul týraly quqyq qorǵaý organdaryndaǵy derekkóz habarlady, dep jazdy lada.kz.
Oqıǵa birneshe kún buryn 29A shaǵynaýdanyndaǵy shirkeýdiń qasynda ornalasqan seriktestik keńsesinde oryn alǵan. Qaskúnemder anyqtalmaǵan zattardyń kómegimen salqyndatqyshty alyp tastap, ǵımaratqa kirgen. Olar osyndaǵy seıfti tapqan da ony buzyp, ishindegi aqshany sypyryp alyp ketken. Qylmys faktisimen tergeý amaldary júrgizilýde.
