Aqtaýda bekire balyǵyn aýlaǵandar ustaldy

AQTAÝ. QazAqparat – Aqtaýda zańsyz aýlanǵan 83 keliden astam bekire balyǵy tárkilendi, dep habarlaıdy QazAqparat tilshisi.

MO polıtsııa departamentiniń habarlaýynsha, 21 qazan kúni saǵat 18:00 shamasynda 32 v shaǵyn aýdanyndaǵy páterlerdiń birinde jalpy salmaǵy 30 keli bekire tuqymdas balyq tárkiledi.

Dál osy tabıǵatty qorǵaý ınspektsııa qyzmetkerleri, 14 shaǵyn aýdana «Reno Daster» markaly avtokóligin toqtatyp teksergen. Nátıjesinde kólik júksalǵyshynan jalpy salmaǵy 52 keli bekire tuqymdas balyǵyn tárkiledi.

Bul derekter boıynsha Qazaqstan Respýblıkasy Qylmystyq kodeksiniń 339-baby (ósimdikterdiń nemese janýarlardyń sırek kezdesetin jáne quryp ketý qaýpi tóngen, sondaı-aq paıdalanýǵa tyıym salynǵan túrlerimen, olardyń bólikterimen nemese derıvattarymen zańsyz aınalysý) boıynsha qylmystyq is qozǵaldy.

Qazirgi tańda sotqa deıingi amaldary júrgizilýde.