Aqtaýda bazar órtenip, 6 dúken tolyqtaı janyp ketti

AQTAÝ. QazAqparat - Aqtaý qalasyndaǵy 23-shi shaǵynaýdanda ornalasqan bazar otqa oranyp, ondaǵy 6 dúken janyp ketti, dep habarlaıdy QazAqparat tilshisi.

«11 qarashada saǵat 22:46-da órt sóndirý jáne avarııalyq qutqarý jumystary dıspetcherlik qyzmetine 23-shi shaǵynaýdanda ornalasqan «RÝSAZ» bazarynyń órtengeni týraly habarlama kelip tústi. Qazirgi tańda «Balalar álemi» dúkeni, «1000 usaq-túıek» keńse taýarlary dúkeni, sondaı-aq azyq-túlik jáne dámdeýishter satatyn býtıkter órtengeni anyqtaldy», - dep málim etti Mańǵystaý oblystyq Tótenshe jaǵdaılar departamentiniń baspasóz qyzmeti.

Órt saǵat 23:23-te sóndirildi.

Zardap shekkender joq. Órtti sóndirýge 6 tehnıka jáne 30 jeke quram jumyldyrylǵan. Sondaı-aq jergilikti atqarýshy organnan 16 tehnıka men 81 qyzmetker tartylǵan.