Aqtaýda bazar órtendi

AQTAÝ. QazAqparat - Aqtaýdaǵy «Volna» bazarynda órt shyqty, dep habarlaıdy QazAqparat tilshisi.

Mańǵystaý oblysy Tótenshe jaǵdaılar departamentiniń baspasóz qyzmetinen málim etkendeı, 5-inshi shaǵynaýdanda ornalasqan saýda ornyndaǵy órt týraly aqparat saǵat 02:58-de túsken.

«Jalpy aýdany 400 sharshy metr bolatyn halyq tutynatyn taýarlar satylatyn 21 saýda ornynda órt shyqty. Bazardyń jalpy aýmaǵy -1300 sharshy metr, negizinen jemis-jıdek pen kókónis satatyn saýda oryndaryna zalal kelgen», - delingen habarlamada.

Órt saǵat 04:19-da aýyzdyqtalyp, saǵat 04:45-te sóndirildi. TJD habarlaýynsha, qaza bolǵandar men zardap shekkender joq. Órttiń sebebi aldaǵy ýaqytta belgili bolady. Órtti aýyzdyqtaýǵa 67 maman men 24 tehnıka jumyldyrylǵan.