Aqtaýda basyna fýtbol qaqpasy qulaǵan jasóspirim aýrýhanada aýyr halde jatyr

AQTAÝ.QazAqparat – Aqtaýda basyna fýtbol qaqpasy qulaǵan 16 jastaǵy jasóspirim aýyr halde jatyr. Ol Mańǵystaý oblystyq balalar aýrýhanasyna jetkizilgen, dep habarlaıdy QazAqparat tilshisi.

Jasóspirim 20 mamyr kúni keshke qaraı 7 shaǵynaýdandaǵy №9 mektep janyndaǵy fýtbol alańynda dostarymen oınaǵan.

Aýyr metall qaqpa qulaǵannan keıin jigit esin joǵaltqan. Ol oblystyq balalar aýrýhanasyna jetkizilgen.

«Balanyń jaǵdaıy óte aýyr. Ol jansaqtaý bóliminde jatyr. Oǵan turaqty túrde jeldetkish qosylǵan», - dep habarlady medıtsına mekemesiniń mamandary.