Aqtaýda basyna fýtbol qaqpasy qulaǵan bala qaıtys boldy
Jasóspirim 20 mamyr kúni keshke qaraı 7 shaǵynaýdandaǵy №9 mektep janyndaǵy fýtbol alańynda dostarymen oınaǵan.
Aýyr metall qaqpa qulaǵannan keıin jigit esin joǵaltqan. Ol Mańǵystaý oblystyq kópbeıindi balalar aýrýhanasyna jetkizilgen.
«Ol esten taný, basynyń aýyrǵanynan shaǵymdandy. Balanyń jalpy jaǵdaıy túsken kezde bas mı jaraqatyna, mı shaıqalýyna baılanysty aýyr, biraq turaqty boldy. Teksere kele, dárigerler aýrýhanada jatyp, em alý qajettigin aıtyp, jásóspirim bala aýrýhanaǵa jatqyzyldy» - delingen málimette.
24 mamyrda keshke balanyń anasy aýrýhanaǵa kelgen. 5-7 kún jatyp em alý kerektigi aıtylsa da, anasy balanyń jaǵdaıy jaqsy, dárigerlerge eshqandaı shaǵymy joq ekenin aıtyp, qolhat jazyp alyp ketken.
Jaóspirim 7 kún úıinde ata-anasynyń baqylaýynda bolǵan.
«31 mamyrda úıinde júrgen sátte esinen taný, qurysý ustamasy bolǵandyqtan qaıtadan aýrýhanaǵa jetkizilgen. Dárigerler qabyldaý bóliminde kompıýterlik tomagrafııamen bas mıyn tekserip, ınsýlt belgileri bar ekenin anyqtaǵan. Komalyq jaǵdaıda jedel reanımatsııa bólimine jatqyzylǵan. Jasóspirim 15 maýsymda qaıtys boldy»,- delingen baspasóz málimetinde.