Aqtaýda basyna altynshy qabattan dıvan qulaǵan er adam segiz aıdan keıin qaıtys boldy

ASTANA. QazAqparat - Bıylǵy jyldyń qańtarynda altynshy qabattan jıhazdyń qulaýynan sal aýrýyna shaldyqqan 39 jastaǵy er adam qaıtys boldy. Onyń ólimi týraly aǵasy habarlady, dep jazady QazAqparat lada.kz-ke silteme jasap.

Týysynyń aıtýynsha, ol aǵasynyń qaıtys bolǵanyn 26 tamyzda dárigerlerden bilgen.

«Bizge Germanııa men Reseıden mamandar shaqyrýǵa týra keldi, óıtkeni Qazaqstannan birde-bir dáriger ony terisiniń oıylýyna baılanysty qabyldaǵan joq. Biz qaıda barmadyq», - dedi ol.

Aǵasy bul oqıǵaǵa kináli adamdy «jasyryp júr» dep sanaıdy.

Oqıǵa bıylǵy jyldyń qańtar aıynda boldy. Qaladaǵy 11-shi shaǵynaýdanda №41 úıdiń qasynan ótip bara jatqan adamǵa úıdiń joǵarǵy qabatynan jıhaz qulady. Quqyq qorǵaý organdary qylmystyq is qozǵady.

Er adamǵa ota jasaý úshin qańtar aıynyń sońynda Astanadan dárigerler keldi.

Keıin olar er adamnyń sal aýrýyna shaldyqqanyn habarlady.

Zardap shekken adamǵa ota jasaldy.

Osy jyldyń mamyr aıynda kináli áli tabylmaǵany belgili boldy.