Aqtaýda basyna dıvan qulaǵan turǵynǵa qatysty qylmystyq is qaıta tergeletin boldy

AQTAÝ. KAZINFORM – Bas parokýratýra Mańǵystaý oblystyq polıtsııa departamentiniń isti toqtata turý týraly sheshiminiń kúshin joıyp, ony Qylmystyq Kodekstiń 99-baby 1-bólimine ("kisi óltirý") aýystyrdy. 

Sondaı-aq, sotqa deıingi tergep-tekserýdi júrgizgen Mańǵystaý oblystyq polıtsııa departamentine polıtsııa organdary basshylarynyń qyzmetin baǵalaý týraly máseleni qaraý úshin, prokýrorlyq qadaǵalaý aktisi engizildi.

Eske salaıyq, byltyr qańtarda 11-shaǵyn aýdan 41-úıdiń janynan ótip bara jatqan turǵynnyń ústine joǵarydan dıvan qulaǵan bolatyn. 

Sonyń saldarynan 39 jastaǵy azamat sal bolyp qaldy. Naýqas 8 aı boıy aýrýhanada jatyp, aýrýynan aıyǵa almaı qaıtys boldy. 

Polıtsııa osy oqıǵa boıynsha qylmystyq is qozǵaǵan bolatyn. Alaıda kinálini taba almaı, is toqtap qaldy.