Aqtaýda barda oq atqan er adam 5 jylǵa sottaldy
AQTAÝ. KAZINFORM – Aqtaýda 7A shaǵynaýdanyndaǵy barda bolǵan atysqa qatysty sot úkimi shyqty. Sottalýshy bes jylǵa bas bostandyǵynan aıyryldy.
Mańǵystaý oblystyq prokýratýrasynyń málimetinshe, sot er adamdy QR Qylmystyq kodeksiniń 293-babynyń 3-bóligimen (buzaqylyq) kináli dep tanyp, bes jyl merzimge bas bostandyǵynan aıyrý jazasyn taǵaıyndaǵan.
Eske salaıyq, Aqtaýda shildeniń 7-nen 8-ne qaraǵan túni «Chechıl pabta» er adam kelýshilerdiń biriniń betine «Ańshy sıgnaly» pırotehnıkalyq qurylǵysynan oq atqan. Oqıǵa bardaǵy beınebaqylaý kamerasyna túsip qalǵan.
Buǵan deıin, Aqtaýda barda er adamnyń betine oq atqan kúdiktiniń ustalǵanyn jazǵan bolatynbyz.
