Aqtaýda barda er adamnyń betine oq atqan kúdikti ustaldy
AQTAÝ. KAZINFORM – Aqtaýdaǵy barlardyń birinde bolǵan janjal kezinde er adamnyń betine «Ańshy sıgnaly» iske qosý qurylǵysymen oq atyldy. Kúdikti ustalyp, ýaqytsha ustaý ızolıatoryna qamaldy.
Mańǵystaý oblystyq polıtsııa departamentiniń málimetinshe, oqıǵa 8 shildede Aqtaý qalasyndaǵy barlardyń birinde bolǵan. Eki azamattyń arasynda janjal týyndap, olardyń biri «Ańshy sıgnaly» iske qosý qurylǵysyn qoldanyp, ekinshi azamattyń betin jaraqattaǵan.
- Atalǵan derek boıynsha buzaqylyq babymen qylmystyq is qozǵaldy. Kúdikti jedel túrde anyqtalyp, ustalyp, ýaqytsha ustaý ızolıatoryna qamaldy. Jábirlenýshige medıtsınalyq kómek kórsetilip, keıin úıine jiberildi, - dep habarlady departamenttiń baspasóz qyzmeti.
Buǵan deıin Almaty metrosynda tóbeleskenderge aıyppul salynǵanyn jazǵan edik.
