Aqtaýda Barbı qýyrshaǵynyń boıymen birdeı sábı dúnıege keldi
AQTAÝ. QazAqparat - Aqtaýda Barbı qýyrshaǵynyń boıymen birdeı sábı dúnıege keldi. Qyzdyń salmaǵy 665 gramm jáne boıy 28 sm, dep habarlaıdy «QazAqparat» HAA tilshisi.
Salystyrmaly túrde myna derekterdi aıtýǵa bolady, eski úlgidegi Barbı qýyrshaǵynyń boıy 28-30 sm bolsa, jańa talaptarǵa sáıkes onyń boıy 27 sm.
«Neontolog-dárigerlerdiń mindeti -osyndaı balalarǵa kásibı turǵydan kútim jasaý. Qazirgi kezde bizde Dúnıejúzilik densaýlyq saqtaý uıymy usynǵan tıimdi perınataldyq kútim tehnologııalary qoldanylýda. 665 gramm bolǵan qyz salmaq qosyp keledi. Onyń salmaǵy qazir 1 keli 94 gramm. Ázirge ony zond arqyly tamaqtandyryp jatyr. Ýaqyt óte anasy men balasy úılerine qaıtady dep oılaımyn», - dedi Mańǵystaý oblystyq perınataldyq ortalyǵynyń dárigeri Rımma Rahmet.
Shamatan tys kishkentaı bolyp týǵan Aqtaýlyq sábı 37 jastaǵy Aıjan Sádenovaniń tuńǵyshy.
