Aqtaýda balkonyna ilýge ótinish bildirgen 60 turǵynǵa memlekettik tý taratyldy

AQTAÝ. QazAqparat - 4 maýsym – Qazaqstan Respýblıkasynyń memlekettik rámizder kúnine oraı, ári shahardyń mereıtoıy aıasynda turǵyndarǵa 60 memlekettik tý taratyldy, dep habarlaıdy QazAqparat tilshisi.

«Memlekettik rámizderimizdi qadirlep, onyń mańyzdylyǵyn nasıhattaý maqsatynda 60 tý taratyldy. Memlekettik týdy óz balkondaryna ilýge ótinish bildirgen turǵyndarǵa tegin tarattyq. Degenmen, árbir nıet bildirýshi bul is-sharaǵa qatysa alady. Úıinde memlekettik týy bar ár turǵyndy nýqanǵa qosylyp, óz balkonyna ilýge shaqyramyn»,- dedi qalalyq ishki saıasat bóliminiń basshysy Gúlmıra Balǵojaeva.

Aıta keteıik, memlekettik týdy alýǵa 200-den astam turǵyn ótinish bildirgen. Ótinimder arasynan balkondary qala kósheleri betinde ornalasqan, ortalyqtaǵy páter ıeleri tańdalyp, 60 memleketttik tý taratyldy. «Aqtaý qalasynyń 60 jyldyǵyna – 60 tý» ilý naýqany 3-5 maýsym aralyǵynda ótti.