Aqtaýda Balet jáne sporttyq gımnastıka akademııasy ashyldy
AQTAÝ. QazAqparat - Aqtaýda Balet jáne sporttyq gımnastıka akademııasy ashyldy. Jańa sport kesheninde 1 kúnde 150 bala jattyǵa alady, dep habarlaıdy QazAqparat tilshisi. Joba memlekettik-jekeshelik áriptestik aıasynda júzege asyrylyp otyr. Oǵan 120 mıllıon teńge qarajat jumsaǵan.
Zalda sporttyq jáne kórkem gımnastıka, balet, lezgınka, tango, hıp-hop syndy bımen aınalysýǵa múmkindik bar. Keshenniń aýmaǵy 736 sharshy metr. 1 aptada 300 bala jattyǵa alady. Ashylý saltanatyna kelgen oblys ákiminiń orynbasary Rýslan Sakeev jastarǵa sáttilik tiledi.
«Osy jerde talaı juldyzdar, chempıondar, ataqty, táýelsiz Qazaqstannyń tiregin ustaıtyn jastar shyǵatynyna senimdimin»,-dedi Rýslan Sakeev.
Aqtaý qalasynda sporttyq gımnastıka sońǵy ret osydan 25 jyl buryn bolǵan. Endi akademııanyń ashylýymen bul másele sheshilmek. Sebebi, jastar arasynda qyzyǵýshylyq joǵary.
«Osy sport túrinen jastardy daıyndaýǵa bul úlken múmkindik. Gımnastıka damýda. Biraq sportyq gımnastıka joq. Mańǵystaýlyq sportshylar Qazaqstanda, halyqaralyq deńgeıde óner kórsetip jatyr. Sporttyq gımnastıka búkil sport túrlerine rezerv. Osymen aınalysqandar aralas jekpe-jek bolsyn, jeńil atletıka bolsyn, barlyǵyna bara alady»,-deıdi Mańǵystaý oblystyq dene shynyqtyrý jáne sport basqarmasy basshysynyń orynbasary Nurbek Qarabalaev.
Joba «Bıznestiń jol kartasy - 2020» memlekettik baǵdarlamasy aıasynda «Damý» kásipkerlikti damytý qorynyń qoldaýymen memlekettik-jekeshelik áriptestik aıasynda júzege asyrylyp otyr. 
