Aqtaýda balabaqsha býhgalteri 9 mln teńge jymqyrǵan
ASTANA. KAZINFORM – Aqtaýda bıýdjet qarajatynan 9 mıllıon teńgeni jymqyrǵan býhgalterge qatysty sot úkimi shyqty. Áıel basshysynyń atynan bank qujattaryna qol qoıyp otyrǵan.

Aqtaý qalasynyń prokýratýrasy balabaqshada bıýdjet qarajatyn zańsyz ıemdenip alý derekterin anyqtady.
- Taldaý barysynda №39 «Hıýaz bóbekjaı» balabaqshasynyń býhgalteri dırektorynyń atynan bank qujattaryna qol qoıyp, óziniń esep-shottaryna memleket bıýdjetinen 9 mln teńgeden astam qarajatty zańsyz aýdarǵany anyqtaldy, - delingen Mańǵystaý oblysynyń prokýratýrasy habarlamasynda.
Kórsetilgen derek boıynsha sot esepshige qatysty QK-tiń 189-babynyń 3-b. 1) t. úkim shyǵaryp, 3 jyl 6 aıǵa merzimge bas bostandyǵyn shekteý jazasy taǵaıyndady.
Aqtaýda jekemenshik mektepke qatysty shý shyqqanyn jazǵan bolatynbyz.