Aqtaýda baǵdarsham istemeı turǵan jol qıylysynda eki kólik soqtyǵysyp qaldy
ASTANA. QazAqparat - Aqtaýda baǵdarsham istemeı turǵan jol qıylysynda eki kólik soqtyǵysyp qaldy, dep jazady lada.kz.
Jol-kólik oqıǵasy 22 qazan kúni keshke qaraı bolǵan. Renault Duster men VAZ-2107 kóligi 12, 13, 14 shaǵyn aýdandar arasyndaǵy jol qıylysynda 18:30-da soqtyǵysqan. Osy kezde baǵdarsham istemeı turǵan kórinedi.
Oqıǵaǵa kýá bolǵan júrgizýshilerdiń biriniń aıtýynsha, VAZ-2107 jeńil kóligi «Jas Qanat» (12 shaǵyn aýdan) sport kesheni jaǵynan kele jatqan. Osy sátte «Tamshaly» turǵyn úı keshenin betke alyp Renault Duster kele jatqan. VAZ-dyń júrgizýshisi jol bermeı, sonyń saldarynan qos kólik soqtyǵysqan.
VAZ-2107 jeńil kóliginiń júrgizýshisine Qazaqstan Respýblıkasy ÁQBtK-niń 610-babynyń 1-bóligine sáıkes hattama toltyryldy. Japa shekkender joq.
