Aqtaýda áıel qyzymen birge úshinshi qabattan jastyq qushaqtap sekirgen
ASTANA. QazAqparat - Aqtaýda 40 jastaǵy áıel qyzymen birge úshinshi qabattan jastyq qushaqtap sekirgen, dep habarlaıdy Lada.kz.
Oqys oqıǵa 17 qazan kúni keshki 22:00 shamasynda 11-yqshamaýdandaǵy 29-úıde boldy. Bes qabatty úıdiń túbinde jatqan áıel men jas qyzdy kórshi úıdiń turǵyny baıqap qalǵan. Olar qazir Mańǵystaý oblystyq aýrýhanasynyń jansaqtaý bóliminde jatyr.
№29 úıdiń úshinshi qabatynda páter jaldap turatyn áıel 1977 jylǵy, al qyzy 2002 jyly týǵan. Olar qulaǵan jerde jastyqtar jatqan.
«Olar syrt kıimin, aıaq kıimderin de kıip alǵan. Áıeldiń qolynda sómkesi boldy. Jumsaǵyraq túsý úshin jastyq qushaqtap sekirgen bolsa, onda olar áldekimnen qashqany anyq. Eger olar páterden ketip bara jatqan bolsa, esikten shyǵatyn edi», - deıdi úıdiń turǵyndary.
Oqıǵa sebepteri áli anyq emes.
