Aqtaýda áıel adam kóp qabatty úıden qulap, mert boldy

AQTAÝ. QazAqparat - Aqtaýda áıel adam kóp qabatty úıden qulap, mert boldy. Qaıǵyly jaǵdaı 13 shaǵynaýdandaǵy 40-shy úıde boldy, dep habarlaıdy QazAqparat Mańǵystaý oblystyq Polıtsııa departamentiniń baspasóz qyzmetine silteme jasap.

Polıtsııanyń málimetinshe, oqıǵa búgin, 28-shi qyrkúıekte bolǵan. Oqıǵa ornyna jedel járdem kóligi men polıtsııa kelgen.

«Saǵat 13:21-de «102» nómirindegi kezekshige 13 shaǵynaýdandy adamnyń úıdiń tóbesinen qulaǵany týraly habar tústi. Oqıǵa ornyna jedel tergeý toby shyqty. Qazirgi tańda tergeý júrip jatyr», -dep habarlady polıtsııadan.