Aqtaýda aıaq-qolynda aqaýy bar 19 balaǵa reseılik dárigerler ota jasady
Mańǵystaý oblystyq kópbeıindi balalar aýrýhanasynda reseılik dárigerler aıaq-qoldarynyń ártúrli aqaýy bar 19 balaǵa ota jasady, dep habarlaıdy Kazinform.
Albreht atyndaǵy múgedek balalarǵa arnalǵan hırýrgııa jáne protezdeý ǵylymı ortalyǵynyń (Sankt-Peterbýrg) balalar hırýrgi, ortoped-travmatolog Andreı Koltsov óziniń ustazy –professor Igor Shvedovchenkonyń qatysýymen sheberlik sabaq ótkizdi.
Aıaq-qoldarynyń damýynda túrli aqaýy bar, onyń ishinde artrogrıpoz, saýsaqtardyń týabitti kemistigi: bir-birine jabysyp qalǵan nemese alshaq ornalasqan, qoldardyń qısyq bitýi, tize býyny, aıaq basynyń qısaıýy syndy syrqatyr bar 1-16 jas aralyǵyndaǵy balalarǵa ortoped-hırýrgtar operatsııa jasady.
«Qol men aıaq basynyń ortopedııalyq aýrýlaryn hırýrgııalyq jolmen emdeý tásilderi» dep atalatyn sheberlik sabaq 22-26 qazan aralyǵynda ótti. Sonyń tórt kúninde 19 balaǵa ota jasaldy.
«Osyndaı sheberlik sabaqtyń árqaısysy kásibı deńgeıdi kóteredi. Ǵalymdardyń tájirıbesi, olardyń ashqan jańalyǵy, operatsııanyń jańa ádisteri – únemi qajet», – dedi hırýrg-travmatolog Qurman Qaıranov.
Operatsııaǵa Mańǵystaý oblysynan bólek Oral, Almaty, Shymkent jáne taǵy basqa qalalardan balalar keldi.
Aıta keteıik, ıgi is «Juldyzaı» qaıyrymdylyq qorynyń «Múmkindik» jobasy aıasynda uıymdastyryldy.
