Aqtaýda avtokólik aýdarylyp, bir adam jan saqtaý bólimine tústi
AQTAÝ. QazAqparat - Jol-kólik oqıǵasy shildeniń 7-nen 8-ne qaraǵan túni tirkelgen. Jol apatynan zardap shekken er adamnyń omyrtqasyna zaqym kelgen. Bul týraly Mańǵystaý oblystyq aýrýhanasynyń aýrýlardy qabyldaý bóliminen málimet taratyldy, dep habarlaıdy QazAqparat tilshisi lada.kz saıtyna silteme jasap.
Jol-kólik oqıǵasy Shyǵys-2, Shyǵys-3, 31A jáne 31B shaǵyn aýdandarynyń qıylysynda túngi saǵat eki shamasynda tirkelgen. Eki avtokólik soqtyǵysyp qalǵan.
«Aýrýlardy qabyldaý bólimine jetkizilgen kezde anyqtalǵanyndaı, er adamnyń omyrtqasy jabyq túrde eki jerden synǵan. Patsıentke birden ota jasaldy. Qazirgi ýaqytta ol jalpyǵa ortaq jan saqtaý bóliminde es-tússiz jatyr», - dep habarlady oblystyq aýrýhananyń aýrýlardy qabyldaý bóliminen.
