Aqtaýda avtobýs júrgizýshisine shabýyl jasaldy - oqıǵanyń beınejazbasy tarady

AQTAÝ. KAZINFORM – Oqıǵa 7-shilde kúni №2-qoǵamdyq kólikte bolǵan. Kondýktor avtobýs júrgizýshisine bara jatqan jolaýshyny ustaýǵa tyrysqanymen, ol oǵan kúsh bermeı júrgizýshiniń betinen urǵan. Qoǵamdyq kóliktiń júrgizýshisi esh sebepsiz taıaq jep, medıtsınalyq kómekke júgindi.

Polıtsııa departamenti baspasóz qyzmetiniń habarlaýynsha, osy oqıǵaǵa qatysty «Buzaqylyq» faktisi boıynsha qylmystyq is qozǵalǵan. Tergeý júrgizilýde. Kúdiktini ustaýǵa baǵyttalǵan jedel-izdestirý is-sharalarynyń kesheni qabyldandy. Tergeý múddesi úshin ózge de málimetter jarııa etilmeıdi.

Aıta keteıik, byltyr Almatyda №47-shi baǵyttaǵy qoǵamdyq kóliktiń ishinde jolaýshy janjal shyǵaryp, júrgizýshi áıeldi urǵan edi. Saldarynan áıel esinen tanyp, kólikti basqara almaı, aıaldamada turǵan bir top adamdy qaqqan bolatyn.

Atalǵan oqıǵadan 7 adam zardap shegip, 3 adam qaıtys boldy.