Aqtaýda avtobýs júrgizýshisi jolaýshyny qýyp shyqty
ASTANA. QazAqparat - 23 aqpan kúni Aqtaýdaǵy №105 baǵdaryndaǵy avtobýsta oqys oqıǵa boldy, dep habarlaıdy QazAqparat Lada.kz-ke silteme jasap.
«Mańǵystaý-3 aýylyndaǵy aıaldamadan avtobýsqa mas jolaýshy mingen. Ol kóliktiń ishinde shý shyǵaryp, tártip buzǵan, artynsha kondýktor qyzǵa jarmasa bastaǵan. Júrgizýshi kelesi aıaldamada avtobýsty toqtatyp, maskúnem jolaýshyny qýyp shyqqan», - deıdi Mańǵystaý oblystyq ІІD baspasóz qyzmetiniń ókilderi.
Osy fakti boıynsha QR QK 389-babynyń («Ózinshe bılik etý») 2-bóligimen sotqa deıingi tergep-tekserý júrip jatyr. Oǵan sáıkes, úsh júz aılyq eseptik kórsetkishke deıingi mólsherde aıyppul salýǵa ne sol mólsherde túzeý jumystaryna ne eki júz qyryq saǵatqa deıingi merzimge qoǵamdyq jumystarǵa tartýǵa ne jetpis bes táýlikke deıingi merzimge qamaqqa alý jazasy kózdelgen.
