Aqtaýda avtobýs apatqa ushyrap eki adam zardap shekti
ASTANA. QazAqparat - Aqtaýda avtobýstyń qatysýymen bolǵan jol-kólik oqıǵasynan eki adam zardap shekti, dep habarlaıdy lada.kz.
Oqıǵa 27 mamyr kúni shamamen saǵat 15-20-lar kezinde boldy.
«Bizdiń brıgadamyz osy jol boıynda bolǵan apat ornyna ketip bara jatqan bolatyn. Kezdeısoq bolǵan oqıǵany kórip, kómektesýge bel býdyq. Bul saǵat 15-30-dardyń kezi bolatyn. Jeńil kólikte otyrǵan, 1975 jáne 1976 jyly týǵan eki adam zardap shekti. Medıtsınalyq tekserý kezinde olardyń mılary shaıqalǵandyǵy anyqtaldy. Jalpy alǵanda, olardyń jaǵdaılary turaqty. Ekeýi de Mańǵystaý oblystyq aýrýhanasynyń travmotologııa bólimine jetkizildi»,-dedi Aqtaýdaǵy Jedel járdem qyzmeti ortalyǵynyń ókilderi.
Oblystyq aýrýhanada medıtsınalyq tekserýden ótkizilip, alǵashqy járdem kórsetilgen soń zardap shekkenderdiń úılerine jiberligendigi aıtylady. Olardyń jaǵdaılary dárigerlerdiń aıtýynsha, qalypty.
