Aqtaýda aýrýhanadan qashqan 36 jastaǵy naýqastyń denesi tabyldy

AQTAÝ. QazAqparat - Aqtaýda 36 jastaǵy jigit aýrýhanadan qashyp ketti. Arada biraz ýaqyt ótkende aýrýhana mańynan naýqastyń denesi tabyldy, dep habarlaıdy QazAqparat tilshisi.

Mańǵystaý oblystyq densaýlyq saqtaý basqarmasynyń baspasóz qyzmeti habarlaǵandaı, 15 maýsym kúni oblystyq aýrýhananyń qabyldaý bólimine jedel járdem qyzmetimen 5-shaǵynaýdannan naýqas jetkizilgen. 1983 jyly týǵan er adam basynyń aýyrǵanyn aıtyp, qos jambasyndaǵy jaraqatqa shaǵymdanǵan.

Tekserý kezinde dárigerler onyń jaǵdaıynyń birqalypty ekenin aıtqan. Naýqas qoıylǵan suraqtarǵa jaýap berip, esiniń durys ekenin kórsetken. Keıin naýqastyń jambasyn qaraǵanda, ishki betinde jaraqattar bolǵan. Kezekshi travmotologtar jáne hırýrgtar alǵashqy kómek kórsetken. Keıin naýqas sary aımaqqa qan tapsyrýǵa jiberilgen.

Ol sanıtar mamanmen birge 6-qabatqa kranıografııa jasaýǵa barǵan. Qyzmetkerdiń aıtýynsha, naýqas kóz aldynda qashyp ketken. Sóıtip, ony joǵaltyp alady.

Oblystyq aýrýhananyń qyzmetkerleri aýrýhananyń ishin túgel izdestirip shyqty. Biraq, taba almady. Jaǵdaı 102 qyzmetine habarlanady. Sol kúni saǵat túski 2-ler shamasynda aýrýhananyń aýmaǵynan er adamnyń denesi tabylǵan. Qazir atalǵan ispen polıtsııa aınalysýda.