Aqtaýda aýlada turǵan kólik órtenip ketti

AQTAÝ. QazAqparat – Aqtaýda turǵyn úılerdiń biriniń aýlasynda turǵan avtokólik janyp ketti, dep habarlaıdy QazAqparat Lada.kz saıtyna silteme jasap.

Oblystyq TJD málimetinshe, «Hyundai» markaly avtokólik 14 tamyz kúni saǵat 7:39-da 32 «a» shaǵyn aýdanyndaǵy №8 úıdiń aldynda janyp ketken. Kýágerlerdiń aıtýynsha, órt sóndirýshiler jedel jetip, órtti sóndirgen. Adamdar aman.

«Sol kúni saǵat 9:00-de Qaraqııa aýdanynda Jetibaı aýylynan 25 shaqyrym jerde, Aqtaý-Jańaózen tas jolynda taǵy bir kólik órtengen. «SsangYong» markaly avtokólik tolyǵymen janyp ketti», - dep habarlady Mańǵystaý oblysy TJD baspasóz qyzmetinen.

Buǵan deıin Aqtaý qalasy mańyndaǵy tas jolda avtokóliktiń jarylǵany habarlanǵan bolatyn.

Foto: lada.kz