Aqtaýda áýe sherýi ótedi

AQTAÝ. QazAqparat – Aqtaý qalasynda 5 tamyz kúni aty ańyzǵa aınalǵan ushqysh, eki márte Keńes Odaǵynyń batyry Talǵat Bıgeldınovtyń týǵanyna 100 jyl tolýyna oraı áýe sherýi ótedi. Bul týraly óńirlik qoǵamdyq kommýnıkatsııa ortalyǵy málim etti, dep habarlaıdy QazAqparat tilshisi.

«Sharaǵa Qazaqstan Respýblıkasy Áýe qorǵanysy kúshteri armııa avıatsııasynyń tikushaqtary men joıǵysh ushaqtary qatysady. Áskerı ushqyshtar joǵarǵy pılotaj ádisterin oryndap, óz sheberlikterin kórsetedi», - delingen aqparatta.

Sherý Aqtaý qalasyndaǵy Amfıteatrda saǵat 20:00-de bastalady. Áskerı sharany qala turǵyndary men qonaqtary teńiz jaǵalaýynan tamashalaı alady.

Al, 3 tamyz kúni áýe sherýine daıyndyq bolady. Uıymdastyrýshylar qala turǵyndaryn avıatsııanyń oqý-jattyǵýy kezinde sabyr saqtaýǵa shaqyrady.

Foto: www.lada.kz