Aqtaýda ata-analar mektep ashanasyndaǵy taraqandarǵa shaǵymdandy
ASTANA. QazAqparat - Ata-analar mektep ashanasy men kabınetterdiń edeni men qabyrǵasynda taraqandar órip júrgenin aıtýda. Oqý ordasynyń basshylyǵy bul máseleni jaqsy biledi, olar mekemeni dárilegende ǵana jándikterden ýaqytsha qutylatyndyǵyn aıtýda, dep jazady Lada.kz .
№6 mektep dırektorynyń aıtýynsha, máseleni túbegeıli sheshý úshin bıyl kúrdeli jóndeý júrgizý josparlanǵan.
Ata-analardyń aıtýynsha, balalary mektep ashanasynda tamaq iship otyrǵanda qabyrǵalarda taraqandar órmelep júredi eken.
- Búgin qyzym mektepten kelip, qabyrǵadan úlken taraqan kórgenin aıtty. Bul aqylǵa qonymsyz, 21 ǵasyrda ómir súrip jatyrmyz, olardan qutylýdyń amaly joq pa, - dep shaǵymdandy ata-ata.
Bilim berý mekemesiniń basshylyǵy bul máseleni jaqsy biledi, biraq jándikterden ýaqytsha ǵana aryla alady. Kanıkýldar men merekeler kezinde, dezınsektsııa júrgiziledi. Sońǵy ret mamandar qańtar aıynyń basynda mektepti dárilegen.
«- Bul másele baıaǵydan bar. Mektep jertólesindegi dymqyldan taraqandar paıda boldy. Jertólede qubyrlar jarylady, bir jerin jónge keltirsek, ekinshi tusy jarylady. Jeli ábden tozǵan. Mekteptiń salynǵanyna 48 jyl bolǵan, sońǵy 10 jylda kúrdeli jóndeý júrgizilmegen. Bıyl kúrdeli jóndeý júrgizýdi josparlap otyrmyz», - dedi Aqtaý q. №6 mekteptiń dırektory Janargúl Jumasheva.
J.Jumashevanyń aıtýynsha, kúrdeli jóndeý jumystary 10 aıǵa sozylady. Oqý úderisin úzbeı, ýaqytynda bitirý úshin jóndeý jumystary jertóleden emes, akt zalynan bastalady. Sebebi, qysqy ýaqytta mekemeni jylý júıesin ajyratýǵa bolmaıdy. 
foto: lada.kz
