Aqtaýda áskerı qyzmetshige oq tıip, qaza tapty

AQTAÝ. QazAqparat – Aqtaýda oq tıgen áskerı qyzmetshi qaza tapty, dep habarlaıdy QazAqparat tilshisi.

Mańǵystaý oblysy densaýlyq saqtaý basqarmasy baspasóz qyzmetiniń habarlaýynsha, 26 shilde kúni saǵat 15.00 shamasynda 103 qyzmetine shaqyrtý túsken. Áskerı bólimnen shyqqan kólikte oq jaraqatyn alǵan qyzmetker bar ekeni aıtylǵan.

Jedel járdem brıgadasy dereý shaqyrylǵan jerge qaraı bet alǵan. Olardy «QazAzot» aımaǵynda qarsy alyp, áskerı qyzmetshini arbaǵa salyp, jansaqtaý bólimine joldaǵan. Dárigerlerdiń aıtýynsha, jaralanǵan azamatty qutqarý múmkin bolmaǵan.