Aqtaýda áskerı qyzmetshi qaza tapty
AQTAÝ. KAZINFORM – Bul týraly Aqtaý garnızonynyń baspasóz qyzmeti habarlady.
- Ústimizdegi jyldyń 28-qyrkúıeginde Aqtaý garnızonyndaǵy áskerı bólimderdiń birinde kelisimshart boıynsha qyzmet etetin, 1985 jyly týǵan áskerı qyzmetshiniń denesi ózi turyp jatqan páterinen tabyldy. Áskerı qyzmetshi bir jylǵa jýyq ýaqyt dekrettik demalysta bolǵan, - delingen habarlamada.
Aldyn-ala aqparat boıynsha áskerı qyzmetshiniń ózine-ózi qol jumsaýyna otbasylyq-turmystyq janjal negiz bolǵan. Oqıǵanyń sebepteri anyqtalýda. Qazirgi tańda qylmystyq is qozǵaldy.
Áýe qorǵanysy kúshteriniń qolbasshylyǵy áskerı qyzmetshiniń týystary men jaqyndaryna kóńil aıtady.
Buǵan deıin, Aqtaýdaǵy sarbazdyń ólimine qatysty qasaqana kisi óltirý faktisi boıynsha sotqa deıingi tergeý bastalǵanyn jazǵan bolatynbyz.
