Aqtaýda áskerge shaqyrylǵan jigit qashpaq boldy

AQTAÝ. Qazaqparat - Shaqyrý pýnktinen qashýǵa tyrysqan jas jigitti polıtsııa qyzmetkerleri ustady. Oqıǵa 23-shaǵynaýdannyń áskerı komıssarıatynda bolǵan, dep habarlaıdy QazAqparat.

Lada.kz resýrsynyń málimetinshe, áskerge shaqyrylǵan bozbala avtobýsqa otyratyn kezde qashpaq bolǵan.

Jigit shaqyrý pýnktiniń qaqpasynan ótip úlgergen.

Onyń sońyn ala áskerı komıssarıattyń eki qyzmetkeri qýa jónelgen. Bireýi abaısyzda súrinip qulaǵan.

Qashqyndy Aqtaý polıtsııa basqarmasy patrýl polıtsııa batalonynyń «Suńqar-9» ekıpajy qýyp jetip, jas jigitti áskerı komıssarıatqa aman-esen qaıtardy.

Keıin qashýǵa tyrysqan sarbazdyń áskerı qyzmetke jiberilgeni belgili boldy.

Áskerı qyzmetshi ony vagonǵa deıin «qolynan jetektep» kirgizdi.

Al qalǵan jolaýshylar bul kezde týystarymen qoshtasyp jatty.