Aqtaýda aralas jekpe-jekten ótip jatqan týrnırdi qazaqstandyqtar jeńispen bastady
AQTAÝ. QazAqparat – Aqtaýda Eagle FC 48 & Naiza FC 41 jarysy bastaldy, dep habarlaıdy QazAqparat Sports.kz saıtyna silteme jasap.
Birinshi kezdesýdi qazaqstandyq faıter Meıirbek Tólegenov (3-1) pen ázerbaıjandyq Djeıhýn Godjalı (0-1) bastady. Jeńil salmaqtaǵy bul kezdesý úsh raýndqa eseptelgen bolatyn.
Jekpe-jek qorytyndysy boıynsha Tólegenov qarsylasyn birinshi raýndta aýyrtý ádisimen jeńdi. Godjalı tóreshiniń jekpe-jekti toqtatýyna qarsy boldy. Degenmen Meıirbek Tólegenov óziniń kásibı mansabynda 4-shi ret jeńiske jetti. Al Djeıhýn Godjalı tórtinshi ret jeńildi.
Eagle FC 48 & Naiza FC 41 týrnırinińń hedlaınerleri qazaqstandyq Daýren Ermekov (16-5) pen reseılik Gamzat Hıramagomedov (10-1) bolady. Olar EFC-diń orta salmaqtaǵy ýaqytsha chempıony ataǵyna talasady.
