Aqtaýda aralas jekpe-jekten halyqaralyq týrnır ótedi
AQTAÝ. QazAqparat - Aqtaýda 20 qazan kúni aralas jekpe-jekten NFC16 halyqaralyq týrnıri ótedi. Jarysqa 3 eldiń sportshylary qatysady, - dep habarlaıdy Qazaqparat tilshisi.
NFC16 halyqaralyq týrnırinde alańǵa Ázerbaıjan men Ózbekstan jáne qazaqstandyq sportshylar shyǵady. Jarys «Batyr» sport kesheninde ótpek.
Jarysta Tahmaz Alızade (Ázerbaıjan) men Eraly Ábdirov (Jańaózen), Sabýhı Gýlıev (Ázerbaıjan) pen Serikbaı Hodjabaev (Aqtaý), Eldor Alımdjanov (Ózbekstan) pen Nurbolat Ábý (Aqtaý) kezdesedi.
Sharanyń basty jekpe-jegi 93 keli salmaqta aqtaýlyq Abdýrahmanov Mýrad pen atyraýlyq Jasulan Hazımov arasynda ótedi.
Abdýrahmanov Mýrad Pankratıonnan Qazaqstan jáne Azııa chempıony, WMMA Álem chempıony, jeke rekordy 4-1-0.
Al Jasulan Hazımov Pankratıonnan Qazaqstan chempıony, WMMA Azııa chempıony.
Sondaı-aq elimizdiń batys óńiri sportshylary arasynda NFCWEST 57 jáne 77 keli salmaq dárejesinde Gran Prı saıystary ótedi. Keshtiń arnaıy qonaǵy - FightNightsGlobal halyqaralyq uıymynyń chempıony aqtóbelik Jalǵas Jumaǵulov.
19 qazanda saǵat 17:00-de 6 shaǵynaýdan «Jastar ortalyǵynda» salmaq ólsheý rásimi ótedi.
