Apatqa ushyraǵan ushaq bortynda Qazaqstannyń 6 azamaty boldy

AQTAÝ. KAZINFORM — Aqtaý qalasynyń mańynda «Baký-Groznyı» baǵytyndaǵy ushaq apatqa ushyraǵan bolatyn. Bul ushaq Azerbaijan Airlines avıakompanııasyna tıesili.

QR Kólik mınıstrligi málim etkendeı, Ázerbaıjan tarapynyń aldyn ala aqparaty boıynsha, bortta 62 jolaýshy men 5 ekıpaj múshesi bolǵan.

Aldyn ala aqparatqa sáıkes bortta 37 Ázerbaıjan, 6 Qazaqstan, 3 Qyrǵyzstan, 16 RF azamaty bolǵan. Ushaq bortynda 67 adam, onyń ishinde 5 ekıpaj múshesi boldy.

Zardap shekkender boıynsha aqparat naqtylanyp jatyr. Aldyn ala málimet boıynsha, aman qalǵan 25 adam bar, onyń ishinde 22 adam aýrýhanaǵa jetkizildi.

Barlyǵy TJD, MÓPS, PD-nyń 150 jeke quramy, 45 birlik tehnıkasy jumyldyryldy.

Jolaýshylardyń tizimi naqtylanyp jatyr.

Oqıǵa ornyna QR Tótenshe jaǵdaılar mınıstrligi jeke quramynyń 52 adamy men 11 birlik tehnıkasy barǵanyn jazǵan bolatynbyz.

Oqıǵanyń mán-jaıy naqtylanady. Arnaıy tergeý júrgiziledi.