Aqtaýda amal meıramy toılanatyn Otpantaýǵa tegin avtobýs qatynaıdy

AQTAÝ. QazAqparat - Mańǵystaýda Amal merekesine arnalǵan is-sharalar ótetin Otpan taýyna tegin avtobýs qatynaıdy. Bul týraly óńirlik kommýnıkatsııa ortalyǵynan málim etti, dep habarlaıdy QazAqparat tilshisi.

«2023 jylǵy Amal meıramyn merekeleý sharalarynyń aıasynda 13-14 naýryz kúnderi «Otpan» tarıhı-mádenı keshenine tegin avtobýs júredi» delingen málimette.

Avtobýstar 13 naýryz saǵat 13.00-de, 14 naýryz saǵat 08.00-de «Nurplaza» qonaq úıiniń aldynan júredi.

Sol kóliktermen Otpannan Aqtaýǵa keri qaıtý múmkindigi qarastyrylǵan.

Aıta keteıik, osyǵan deıin Mańǵystaýda Amal merekesine oraı qandaı sharalar josparlanǵanyn jazǵan edik.