Aqtaýda alty mashına soqtyǵysyp, 70 jastaǵy áje zardap shekti
ASTANA. QazAqparat - Aqtaýda alty birdeı avtomobıldiń soqtyǵysýynan 70 jastaǵy áje zardap shekti, dep jazady Lada.
Jedel medıtsınalyq járdem stansysynyń málimdeýinshe, túrli jaraqattar alǵan áje jyldam aýrýhanaǵa jetkizilgen.
Oqys oqıǵa týraly shamamen saǵat 14:50-de habar kelgen.
Kýágerdiń aıtýynsha, Skoda júrgizýshisi 13-shi yqsham aýdanda, «Sýlpak» dúkeniniń mańynda Toyota Camry-men soqtyǵysyp, soqqynyń ekpinimen jol shetine shyǵyp ketip, avtoturaqtaǵy mashınalarǵa baryp soǵylǵan.
Apattyń saldarynan 70 jastaǵy áje zardap shekti. Dárigerlerdiń aıtýynsha, bassúıek-mı zaqymyn alǵan áje oblystyq aýrýhananyń travmatologııa bólimine jetkizilgen.
Sonymen qatar 13-shi yqsham aýdandaǵy 17-úıdiń aldynda jol apaty bolyp, avtomobılderdiń birinde otyrǵan jolaýshy zardap shekken.
