Aqtaýda alyp bala dúnıege keldi
AQTAÝ. KAZINFORM — Aqtaýda oblystyq perınataldyq ortalyqta salmaǵy 6 keli 690 gramm alyp qyz bala dúnıege keldi. Náreste kesar tiligi arqyly ómirge kelgen.
Dárigerlerdiń málimetinshe, sábıdiń anasynyń júktiligine dıabet, aýyr preeklampsııa men semizdik sııaqty aýrýlar áser etken. Bul aýrýlar balanyń damýyna, sonyń ishinde salmaǵyna da yqpal etýi múmkin.
Qazir ana men sábıdiń jaǵdaıy turaqty, olar dárigerlerdiń baqylaýynda.
Medıtsına qyzmetkerleri júktilikke aldyn ala daıyndalyp, ýaqtyly tekserilý keregin aıtady. Ásirese sozylmaly aýrýlary bar áıelder úshin bul óte mańyzdy.
— Júktilikti josparlap, aldyn ala tekserýden ótip, bolashaq ana úshin barynsha qolaıly jaǵdaı jasaý óte mańyzdy. Bul ana men balanyń densaýlyǵyna qatysty qaýipterdi azaıtýǵa kómektesedi, — deıdi perınataldyq ortalyqtyń mamandary.
Dárigerlerdiń aıtýynsha, úlken salmaqpen týǵan balalarda keıbir metabolıkalyq aýytqý bolýy múmkin. Olardyń qatarynda artyq salmaq pen ınsýlınge tózimdilik qaýpi bar. Alaıda durys baqylaý men salaýatty ómir saltyn saqtaý arqyly densaýlyqty saqtaýǵa bolady.
Bqǵan deıin, Mańǵystaýda salmaǵy 7 kelige jýyq alyp bala dúnıege kelgen bolatyn.
Qyzylordada da salmaǵy 6,5 keli alyp bala dúnıege keldi.