Aqtaýda alıment tólemegen boryshker bas bostandyǵynan aıyryldy

ASTANA. KAZINFORM - Aqtaý qalasynyń prokýratýrasy alıment boıynsha bereshegi 3 mln teńgeden asatyn «A» esimdi azamatqa Qylmystyq kodeksiniń 139-babynyń 1-bóligimen sotqa deıingi tergep-tekserýdi bastaǵan.

Sotqa deıingi tergep-tekserýdiń nátıjesinde qylmystyq is Mańǵystaý oblysy kámeletke tolmaǵandardyń isteri jónindegi mamandandyrylǵan aýdanaralyq sotyna joldandy.

05.07.2024 jylǵy sottyń úkimimen «A» esimdi azamatqa 6 aı bas bostandyǵynan aıyrý túrindegi jazasy taǵaıyndaldy.

Aqtaý qalasynyń prokýratýrasy kámeletke tolmaǵan balalardy asyraýǵa alıment tólemegeni úshin QR QK 139-baby boıynsha 2 jylǵa deıin bas bostandyǵynan aıyrý jazasy qarastyrylǵanyn eske salady.