Aqtaýda alǵash ret TurkicSkills kásibı sheberlik chempıonaty ótedi

AQTAÝ. KAZINFORM – 2025 jyldyń 4-10 qazan aralyǵynda túrki áleminiń mádenı astanasy Aqtaý qalasynda túrkitildes elder arasyndaǵy tuńǵysh TurkicSkills kásibı sheberlik chempıonaty ótedi. Bul týraly QR Oqý-aǵartý mınıstrliginiń baspasóz qyzmeti habarlady. 

Jumysshy mamandyqtarynyń bedelin arttyrýǵa baǵyttalǵan chempıonatqa 16 men 22 jas aralyǵyndaǵy 100-den astam jas maman men 80-ge jýyq joǵary bilikti sarapshy qatysady dep kútilip otyr.

Qatysýshy elder qatarynda Qazaqstan, Túrkııa, Ázerbaıjan, Majarstan, Ózbekstan, Qyrǵyzstan, Túrikmenstan jáne Mońǵolııa bar. 

Eske sala keteıik, buǵan deıin Prezıdent Aqtaýǵa túrki áleminiń mádenı astanasy mártebesiniń berilýimen quttyqtaǵanyn jazǵan edik.