Aqtaýda alǵash ret trıatlonnan Qazaqstan kýbogynyń fınaldyq kezeńi ótedi
ASTANA. QazAqparat - 22-23 qyrkúıekte Aqtaýda alǵash ret trıatlonnan el kýbogynyń aqtyq saıysy ótedi, dep habarlaıdy QazAqparat tilshisi.
QR Ulttyq olımpıada komıteti baspasóz qyzmetiniń habarlaýynsha, Qazaqstan Respýblıkasy «TEMIRADAM» kýboginiń fınaly - Elite (kásibı) jáne Age group (áýesqoı) sanatyndaǵy sportshylar arasynda trıatlon boıynsha ótkiziletin respýblıkalyq kýbok.
Jarys maqsaty - eldegi úzdikterdi anyqtap, qazaqstandyq kásibı jáne áýesqoı sportshylardyń sheberligin arttyrý, trıatlonnan kásibı bapkerler men tóreshilerdi daıarlaý, el aımaqtarynda trıatlondy damytý jáne nasıhattaý.
Birinshi saıys kúni Astana, Almaty, Shymkent pen Qostanaı qalalarynan kelgen kásibı sportshylar básekege túsedi.
Elite sanatyndaǵy jáne 23 jasqa deıingi atletter «standart» qashyqtyǵynda jarysady: 1500 m júzý + 40 km velosıpedtik jarys + 10 km júgirý.
17 jáne 19 jasqa deıingi sportshylar «sprınt» qashyqtyǵynda synǵa túspek: 750 m júzý + 20 km velosıped jarysy + 5 km júgirý.
